Upphaf lífsins

Er á námskeiði hér hjá Max sem snýst um þróun - þróun lífs. Byrjum á byrjunni, og erum búin að vera á byrjuninni í þrjú síðustu skiptin. Erum að lesa bók um þetta efni auk margra greina, og í gær gerði ég virkilega heiðarlega tilraun til að komast í gegnum texta um þetta. Ekki árangursrík tilraun verð ég að segja, fyrst upphafið var svona efna- og eðlisfræðilegt þá er það mér ofviða að skilja. Að minnsta kosti núna, ég hef ekki nennt að taka upp efnafræðibækurnar úr menntó, hvað þá eðlisfræði. Svo ég stend á gati. Það er þó að minnsta kosti eitt sem ég veit um upphaf lífsins; enginn getur vitað nákvæmlega hvernig það gerðist, engum hefur tekist að líkja eftir því umhverfi sem var hér fyrir 3.5 billjón árum því enginn veit nákvæmlega hvernig það var, svo þessari spurningu verður seint svarað. Sennilega aldrei. Annað fannst mér athyglisvert að það var ótrúleg tilviljun að líf kviknaði á jörðinni (eða annars staðar), það þurfti mjög nákvæm umhverfisskilyrði til að þetta gerðist, það hefði alveg eins getað gerst að ekkert líf kviknaði. Og ef það kviknar nýtt líf, s.s. eins og það gerðist allra fyrst (úr ólífrænum efnasamböndum..?) þá yrði það strax étið upp af því lífi sem er til staðar á jörðinni. Ekkert nýtt líf á sjéns eins og það átti sjéns á friðsælli jörðu fyrir þetta mörgum milljörðum ára. Vísindamenn eyða heilli starfsævi í það að komast að því hvernig líf varð til, en geta aldrei svarað því - þetta er ráðgáta. Við erum öll (allt líf) afkomendur stórkostlegrar tilviljunar sem átti sér stað á jörðinni, eða á annarri plánetu (sem skiptir engu máli því eftir stendur spurningin hvernig líf kviknaði fyrst). Kannski er til guð eftir allt saman???