myndir frá íslandi

jæja, ég er búin að vera að reyna að setja inn myndirnar frá íslandi en síðan er voðalega erfið, mér tekst að setja nokkrar í einu en svo gefst hún upp. Og nú er ég búin að gefast upp í bili, en það eru komnar nokkrar myndir og passwordið er það sama og áður, allt með litlum stofum!

Set inn fleiri myndir þegar síðan er komin í lag, myndir af Öglu og Vlada líka, góð syrpa sem ég tók af þeim. Því miður var ég ekki búin að tæma myndavélina þegar sóla og davíð voru hér svo ég gat engar myndir tekið af þeim :( En sóla var búin að lofa að senda mér e-ar myndir... (tókuð þið myndir í partýinu hjá hannesi??). Það var rosa gaman að fá þau í heimsókn, vildi bara að ég hefi verið hressari, var uppgefin eftir fríið á Íslandi!!! En við fórum nú samt í tvö partý, og partýið hjá hannesi var rosa fínt, haldið á þakinu hjá þeim, þau eru með um 400 fm. þak til afnota, ekkert smá flott, það var rosa gott veður og vín og matur og allt. Mjög gaman, og gaman að fá Sólu og Davíð með :)

Er að jafna mig eftir Englandsferðina sem var slítandi og leiðinleg! Fer svo aftur í vinnuna á morgun... alvara lífsins....

Er að fara að versla mat handa míó og svo ætlar Marel að elda handa mér indverskan mat í kvöld, mmmm.

Annars róleg helgi, var ein heima í gærkvöldi sem var yndislegt (svo langt síðan ég hef verið ein heima), eldaði mér gott pasta, fékk mér rauðvín og horfði á tvær dvd myndir sem ég keypti mér á Englandi; March of the penguins sem er algert æði, og svo Brokeback Montain sem er líka mjög góð. Ótrúlegar þessar mörgæsir, þvílík barátta að lifa af veturinn á Suðurskautinu, svo kvarta ég hér. En svo yndislega fallegt hvernig þær skiptast á að annast eggið og ungana litlu (einn ungi á mörgæsarpar hvert ár), alveg ótrúlegt.

Góða helgi.